كلمات ..امممممم .. حلوه

*-*عاشق الظلام*-* الخميس أبريل 17, 2008 4:58 am

خدودك بلون الشمس هي وعم تغيب
وصوتك بهمس الحب نغمة عندليب
ومازال كلشي بهالدني قسمة ونصيب
ومازال صعب العالم بسحرك يجيب
ياريت فرحتي فيكي بتكمل
وكون أول حبيب بعمرك وأخر حبيب

:::

بنسمع ياحلوة عن حلاكي ومطلعك
والعين عم تئلنا ما أروعك
مش قادرين نشيلك من قلوبنا
لولا طلعتي قلوبنا بتطلع معك

:::

ياحلوة هالساعة
قوليلي وبصراحة
عيونك هالسود الحلوين
جابت من وين سلاحا
صادوني صيد الحمام
ماقالوا خطي وحرام
خلوني مش قادر نام
بهداوة بال وراحة

:::

ولما تلاقينا على سفح رامة
وجدت بنان العامرية أحمرا
فقلت خضبت الكف بعد فراقنا
فقالت معاذ الله ذلك ماجرى
ولكنني لما رايتك راحلاً
بكيت دما .. حتى بللت به الثرى
مسحت بأطراف البنان مدامعي
فصار خضابا باليديين كما ترى

:::

لو ماحكيتي صرت أفهم شوبكي
إلا مع العينين مابيحكي الذكي
فيما مضى كنتي تضجي وتضحكي
ولما بكيتي وراسك علي يتكي
من يومها عالأرض بلش ربنا
يرخص بسعر الضحك ويغلي البكي

:::

بالمختصر المفيد ... أنا من غيرك وحيد
لما حدي بتكوني ... بحس الدنيا ياعيوني
في إلها طعم جديد
ياهالوردة الجورية عم اسئيها بإيدي
كل مالو حبك فيا عم يغلا وعم يزيد

:::

يسلمولي عيونها .... ضحكاتها
وغنجاتها وروحاتها ومجياتها
أنا صرت اعرف عالدرج دعساتها
ولون كحلتها وعدد شعراتها
وشوفي قطب وزرار ببلوزاتها
وشوفي سفر من عنئها لحلئاتها
لو لبسوها من لبس خياتها
وفستان جارتها وقميص حماتها
وعصبوو عيوني بشال من شالاتها
وخفيو علي صوتها وهمساتها
ولو مرئوها بين 16 قمر
أنا بوقف وبدلون عليها ذاتها

:::

سحر عيونك جنني
حبك علمني غني
قوليلي قيس المجنون
دخلك شو بيفرق عني

:::

على الحلوين نسم ياهوا
تمشي الحب كلو عهواي
وإذا بهالعمر في عندي هواية
مابهوى غير عينين الحباب
يسعد مساكم يا حبايب قلبنا

:::

أنا من صغرتي ريحة الهوا بقلبي سفر
وعشت ورود العاطفة حمر وصفر
يابوي بالمدرسة كانو علاماتي صفر
وعشرة ععشرة باخد بحبك أنا
خيالك مشي وخلفو مشي قلبي انا

:::

ومين قال مفعول الهوا باطل
وبدنيا الحب ساوى الحب باطل
قالتلي رحت تقسى قلت باطل
انا عمري وحياتي للحباب
شاب العمر لكن ماشابوا قلوبنا

:::

وغيرك ياحلوة مابئا عندي هدف
وقلبي بحب وشوق تيشوفك هدف
وبملعب غرامك كل ما بسجل هدف
بعيونك حكم بتقول متسلل انا
أنا لجلك لخلي الحور يحمل كستنا

:::

كثر ما غمزت جفني اعتاد عالرف
ولا مرة ركنت الحب عالرف
يابوي كل ماعلي إنسان تعرف
بيقول عني مجنون الحباب

:::

مشي معي عالكرم تناكل عنب
وخلي كلام الناس بيئا عجنب
وإن كان مابتتجرأي تروحي معي
رح لبسك شروال واعملك شنب

:::

ألا استوعدتني ياقلب
أني إذا تبت عن ليلى تتوب
فها أنا تائب عن حب ليلى
فمالك كلما ذكرت تذوووب

احترامي .. afro